वॉशिंग्टन : अमेरिकेचे अध्यक्ष डोनाल्ड ट्रम्प यांनी शुक्रवारी घोषणा केली की, येत्या १ ऑक्टोबरपासून अमेरिकेत आयात होणाऱ्या बॅण्डेड तसेच पेटंट असलेल्या औषधांवर नवे १०० टक्के आयातशुल्क (टॅरिफ) आकारले जाईल. त्यानंतर भारतात प्रमुख औषध कंपन्यांचे शेअर २ ते १० टक्के पडले, पण भारतातून प्रामुख्याने जेनेरिक औषधे अमेरिकेला पाठवली जात असल्याने या निर्णयाचा फारसा परिणाम भारतावर होणार नाही, असा दावा काही तज्ज्ञांनी केला. त्याच वेळी भारताच्या परराष्ट्र खात्याने सावध भूमिका घेत, आम्ही या निर्णयाचे संभाव्य परिणाम तपासून पाहत आहोत, अशी प्रतिक्रिया दिली.
ट्रम्प यांनी म्हटले आहे की, संबंधित कंपनीने अमेरिकेत औषधनिर्मिती कारखाना सुरू केला, तर त्यांच्यावर हे टैरिफ लावले जाणार नाही.भारतात तयार होणाऱ्या औषधांसाठी अमेरिका ही सर्वात मोठी निर्यात बाजारपेठ आहे. २०२४ मध्ये भारताने २७.९ अब्ज डॉलर किमतीची औषधे परदेशांत निर्यात केली. त्यापैकी ३१ टक्के म्हणजे ७७,१३८ कोटी रुपये किमतीची औषधे एकट्या अमेरिकेत पाठवण्यात आली होती, अशी माहिती फार्मास्युटिकल्स एस्पोर्ट प्रमोशन काऊंसिल ऑफ इंडियाकडून मिळते. तर २०२५ च्या पहिल्या सहा महिन्यांत भारतातून अमेरिकेत ३२,५०५ कोटींची औषधे निर्यात केली आहेत. एका अहवालानुसार, अमेरिकेत वापरल्या जात असलेल्या औषधांपैकी ४५ टक्के जेनेरिक औषधे तसेच १५ टक्के बायोसिमिलर औषधे ही भारतात तयार केलेली असतात. भारतातील डॉ. रेड्डीज, अरबिंदो, झायडस, सन फार्मा आणि ग्लैंड फार्मा या कंपन्यांचा ३० ते ५० टक्के महसूल हा अमेरिकेतील विक्रीतून येतो. भारतातील कॉम्पेस्क जेनेरिक आणि स्पेशालिटी या वर्गवारीतील औषधांवर नव्या टैरिफचा काय परिणाम होणार आहे, याबाबत अद्याप अस्पष्टता आहे. अनेक बड्या कंपन्यांची अमेरिकेत उत्पादन केंद्रे आहेत.दरम्यान, ट्रम्प यांनी हेवी ड्यूटी ट्रकच्या आयातीवर २५ टक्के लेव्ही आकारण्याचा निर्णयसुद्धा जाहीर केला. त्याचा फायदा अमेरिकी एक निर्मात्या कंपन्यांना दोर्टल त्यामले जर्मन टॅरिफ हे बॅण्डेड तसेच पेटंट संरक्षित औषधांवर असणार आहे, तर बहुतांश भारतीय निर्यात ही जेनेरिक आहे, ज्यावर टैरिफ नसेल. तरीही पुढील धोरणबदलाबद्दल अनिश्चितता असल्याने चिंता कायम आहे.
भारताच्या परराष्ट्र खात्याचे प्रवक्ते रणधीर जयस्वाल यांनी ‘एक्स’वरील संदेशात म्हटले आहे की, अमेरिकेच्या निर्णयाची आम्ही दखल घेतली असून त्याचे परिणाम तपासून पाहिले जात आहेत.अमेरिकेलाच फटका बसेल- जिंदाल ट्रम्प यांच्या औषधांवरील टेरिफचा फटका अमेरिकेलाच बसेल, भारताला नाही, कारण कोणत्याही देशासाठी औषधे ही महत्त्वाची असतात. अमेरिकेतील नागरिकांना महागडी औषधे विकत घ्यावी लागतील, असा दावा अर्थतज्ज्ञ आकाश जिंदाल यांनी केला. भारतात औषधांच्या किमती कमी करण्याचा सरकार प्रयत्न करीत आहे, याकडे त्यांनी लक्ष वेधले. उद्योगपती डॉ. निरंजन हिरानंदानी यांनीही हाच दावा केला. फर्निचरवर टॅरिफचा चीनला फटका अमेरिकेतील फर्निचर उद्योगालाचालना देण्यासाठी किचन कॅबिनेट्स आणि बाथरूममधील वस्तूंच्या आयातीवर ५० टक्के आणि टेबल-खुर्चा, पलंग आदी फर्निचरवर ३० टक्के टैरिफ लावण्याची घोषणाही ट्रम्प यांनी केली. अमेरिकेत येणारे ६० टक्के फर्निचर हे चीन आणि व्हिएतनाममधन येते. इंटर आयकिया