सिंगापूर : सिंगापूरने भारतासोबतचे राजनैतिक संबंध प्रस्थापित होऊन ६० वर्षे पूर्ण झाली आहेत. त्यासोबतच पर्यटनही वाढले आहे. या पार्श्वभूमीवर सिंगापूरणे गुरुवारी उत्सव साजरा केला. जानेवारी ते सप्टेंबर या कालावधीत ९,२३,२११ भारतीय पर्यटकांनी सिंगापूरला भेट दिलीे. मागील वर्षाच्या तुलनेत पर्यटकांची संख्या ३ टक्क्यांनी वाढलेले आहे.
सिंगापूर पर्यटन मंडळाच्या (STB) प्रवक्त्याने सांगितले की,’भारतातील अधिकाधिक पर्यटकांना आकर्षित करण्यासाठी आम्ही विविध विपणन भागीदाऱ्या केल्या आहेत. भारतीय प्रवाशांच्या सहभागात वाढ व्हावी आणि त्यांना आकर्षक पर्यटन पॅकेजेस मिळावीत, यासाठी अनेक विक्री आणि प्रोत्साहन अभियान सुरू करण्यात आली आहेत.” भारत आणि सिंगापूर यांच्यातील ६० वर्षांच्या द्विपक्षीय संबंधांच्या स्मरणार्थ २०२५ पासून ‘Just Between Us Friends’ हा नवा उपक्रम सुरू केला आहे. या अंतर्गत भारतीय पर्यटकांना सिंगापूरमध्ये विशेष सवलती आणि सुविधा दिल्या जाणार आहेत, अशी माहिती त्यांनी दिली.
भारतीय पर्यटकांना मुख्य शॉपिंग सेंटर आणि पर्यटन स्थळांवर विशेष सूट दिली जात आहे. यामध्ये CapitaLand Mall, Changi Airport, Jewel Changi Airport, ION Orchard, Paragon, Sentosa Island आणि Mustafa Singapore यांचा समावेश आहे.’खुदरा लाभांव्यतिरिक्त भारतीय राष्ट्रीय पेमेंट महामंडळ (NPCI) सोबतही भागीदारी केली आहे. त्यामुळे भारतीय प्रवासी आता सिंगापूरमधील १,३०,००० हून अधिक वढक-सक्षम दुकानांमध्ये थेट पेमेंट करू शकतात. या यादीत Starbucks, Bacha Coffee, Charles & Keith, Subway यांसारख्या प्रसिद्ध ब्रँड्ससह Changi Airportवरील Duty-Free Stores (Shilla, Lotte, The Cocoa Trees) यांचाही समावेश आहे.
ही सकारात्मक गती कायम ठेवण्यासाठी, रळइ ने जुलै २०२५ मध्ये IndiGo Airlines सोबत एक वर्षाचा सामंजस्य करार (MoU) केला आहे. या करारानुसार विशेष दर, सिंगापूरसाठी खास प्रवास पॅकेजेस आणि शहरातील आकर्षक स्थळे दाखवणाऱ्या सह-ब्रँडेड मोहिमा राबवण्यात येतील, ज्यामुळे प्रवासाची सोय आणि लोकप्रियता वाढण्यास मदत होणार आहे. वर्ष २०२४ मध्ये भारतीय पर्यटकांनी सिंगापूरमध्ये सरासरी ६.३३ दिवस वास्तव्य केले आहे. पर्यटकांचे हे वास्तव्य इतर आंतरराष्ट्रीय पर्यटकांच्या सरासरीपेक्षा अधिक असल्याचेही त्यांनी नमूद केले.