मुंबई : इंडिया यामाहा मोटर (IYM) प्रा. लि.ने भारतात आपल्या प्रीमियम मोटरसायकल पोर्टफोलिओचा विस्तार करत आधुनिक रेट्रो स्पोर्ट सेगमेंटमधील लोकप्रिय नवीन XSR155 भारतात लाँच केली आहे. यासह कंपनीने भारतीय बाजारपेठेत आपली पहिली इलेक्ट्रिक वाहने AEROX-E आणि EC-06 सादर केली आहेत. तरुण रायडर्ससाठी विशेष डिझाइन करण्यात आलेली नवीन FZ-RAVE देखील यामानाने बाजारात उपलब्ध केली असून प्रीमियम व डिलक्स मोटरसायकलमध्ये यामाहाचे स्थान आणखी मजबूत झाले आहे.
नवीन XSR155 – क्लासिक लूक आणि आधुनिक तंत्रज्ञानाचा संगम
यामाहाची नवीन XSR155 कंपनीच्या प्रीमियम मोटरसायकल सेगमेंटमधील पुढील उत्क्रांती दर्शवते. आधुनिक रेट्रो स्पोर्ट कॉन्सेप्टवर आधारित या बाईकमध्ये क्लासिक डिझाइनची झलक असून त्यात आधुनिक इंजिनिअरिंग आणि अत्याधुनिक फिचर्सचा मिलाफ आहे.
स्टाइल आणि परफॉर्मन्सचा शोध घेणाऱ्या नव्या पिढीतील रायडर्ससाठी बनवलेली ही मोटरसायकल हाताळणी, आरामदायी राइडिंग अनुभव आणि दैनंदिन वापरातील सोयी यांचे योग्य संतुलन आहे. भारतातील सर्वाधिक स्पर्धात्मक आणि वेगाने वाढणाऱ्या सेगमेंटमध्ये XSR155 यामाहाची उपस्थिती आणखी मजबूत करते.
यामाहाचे पहिले ईव्ही AEROX-E आणि EC-06
भारताच्या इलेक्ट्रिक वाहन बाजारपेठेत यामाहाचा प्रवेश हा कंपनीच्या शाश्वत गतिशीलतेच्या दृष्टिकोनातील मैलाचा दगड ठरला आहे.
AEROX-E – परफॉर्मन्स, ओरिएंटेड ईव्ही
AEROX-E हे यामाहाचे परफॉर्मन्स-केंद्रित पहिले इलेक्ट्रिक मॉडेल असून यात कंपनीचा सिग्नेचर थ्रिल, जलद प्रतिसाद, उत्कृष्ट स्टॅबिलिटी आणि स्पोर्टी राइडिंग अनुभव दिला आहे. परफॉर्मन्समध्ये तडजोड नको असलेल्या रायडर्ससाठी हा पर्याय खास असेल.
EC-06 – स्मार्ट मोबिलिटीसाठी डिझाइन
EC-06 मध्ये दैनंदिन प्रवासासाठी आवश्यक असलेला कम्फर्ट, आधुनिक लूक आणि स्मार्ट फिचर्स देण्यात आले आहेत. शहरांतल्या दररोजच्या वापरासाठी हलका, सोयीस्कर आणि स्टायलिश पर्याय म्हणून EC-06 विकसित करण्यात आला आहे.
या दोन्ही मॉडेल्समुळे यामाहाने कार्यक्षमता शोधणारे उत्साही रायडर्स आणि दैनंदिन वापरकर्ते दोन्ही प्रकारच्या ग्राहकांसाठी योग्य इलेक्ट्रिक पर्याय विकसित केल्याचे स्पष्ट होते.
नवीन FZ-RAVE – तरुणांसाठी खास स्पोर्टी बाइक
यामाहाने आपल्या लोकप्रिय FZ सिरीजला आणखी मजबूत करत नवीन FZ-RAVE लाँच केली आहे. भारतातील तरुण आणि डायनॅमिक रायडर्स लक्षात घेऊन तयार केलेली ही बाइक परफॉर्मन्स, मायलेज, विश्वसनीयता आणि दैनंदिन वापरातील व्यावहारिकता यांचे योग्य मिश्रण आहे.
FZ चा चपळपणा, विश्वासार्हता आणि आयकॉनिक लुक कायम ठेवत FZ-RAVE अधिक आकर्षक आणि स्पोर्टी डिझाइनमध्ये सादर करण्यात आली आहे.
“भारत हे यामाहाच्या जागतिक वाढ धोरणातील केंद्रस्थानी असलेले महत्त्वाचे बाजारपेठ आहे. आम्हाला येथे प्रीमियम आणि इलेक्ट्रिक मोबिलिटीमध्ये मोठी संधी दिसते. XSR ब्रँड, ईव्ही मॉडेल्स आणि FZ-RAVE चे लाँच हे भारतातील आमची उपस्थिती मजबूत करण्याचे महत्त्वपूर्ण पाऊल आहे. आम्ही भारतातील रायडर्सच्या गरजा समजून घेत कार्यक्षमता, डिझाइन आणि तंत्रज्ञान यांचे सर्वोत्तम मिश्रण देणार आहोत. ‘विकसित भारत’ या देशाच्या दृष्टीकोनासोबत आणि यामाहाच्या ‘एन्व्हायरोन्मेंट प्लॅन 2050’ मार्गदर्शक तत्वांनुसार भारतातील विविध ग्राहकांसाठी मूल्य निर्माण करणे हे आमचे लक्ष्य आहे..
-इतारू ओतानी (यामाहा मोटर इंडिया ग्रुपचे अध्यक्ष)
”*