माले : मालदीवच्या संसदेत मालदीव मीडिया आणि प्रसारण नियमन विधेयक प्रचंड बहुमताने मंजूर करण्यात आले असून मालदीवचे राष्ट्रपती मोहम्मद मुईज्जू यांनी गुरुवारी या विधेयकावर स्वाक्षरी केली. या नव्या कायद्याचे उल्लंघन केल्यास माध्यमे अणि पत्रकारांना मोठ्याप्रमाणात दंड किंवा माध्यमाचा परवाना तात्पुरता किंवा कायमचा रद्द करण्याची तरतूद आहे. पत्रकारांना 1620 अमेरिकी डॉलर आणि माध्यम कंपन्यांना 6485 डॉलर दंड ठोठावला जाऊ शकतो.
प्रकरणाची संपूर्ण चौकशी होईपर्यंत माध्यमाचे प्ररवाने निलंबित करणे, कायमची बंदी घालण्याासठी खटले दाखल करणे किंवा प्रसारण थांबवण्यासाठी पोलिसांना पाठवण्याची तरतूद या कायद्यात आहे. मुईज्जू विधेयकावर स्वाक्षरी केल्यानंतर म्हणाले की, मालदीव मीडिया अणि प्रसारण नियमन कायदा अस्तित्वात आला आहे. मंगळवारी संसदेत हे विधेयक प्रचंड बहुमताने मंजूर करण्यात आले होते. 90 पैकी 60 सत्ताधारी खासदारांनी विधेयकाच्या बाजूने मतदाने केले. विरोधी पक्षांच्या खासदारांनी या विधेयकाचा निषेध केला होता. त्यांना सभागृहातून बाहेर काढण्यात आले होते.
दरम्यान या नवीन कायद्यानुसार, पत्रकारारांनी देशाच्या संविधानाचा, इस्लाम, राष्ट्रीय सुरक्षा आणि सामाजिक मूल्यांचा आदर करण्यासोबतच वैयक्तीक प्रतिष्ठा आणि मानवी हक्कांचे रक्षण केली पाहिजे. कायद्याचे उल्लंघन झाले आहे का हे तपासण्यासाठी आणि चौकशी करण्यासाठी सात सदस्यांची समिती गठीत केली जाणार आहे.