शिमला, हिमाचल प्रदेशमध्ये पावसाने धुमाकूळ घातला असून गुरुवारी बॉलीवूडची अभिनेत्री आणि भाजपच्या खासदार कंगना रणौतने मनाली येथील नुकसानग्रस्त भागाचा दौरा केला. यावेळी स्थानिकांनी काळे झेेंडे दाखवत, कंगना गो बॅक, तू उशीरा आलीस, अशा घोषणा दिल्या. त्यामुळे घटनास्थळी काहीकाळ गोंधळाचे वातावरण निर्माण झाले होते.
25 अणि 26 ऑगस्ट रोजी कुल्लू आणि मनाली येथे अनेक ठिकाणी मुसळधार पावसामुळे भूस्खलनाच्या घटना घडल्या होत्या. पूर आला होता. बियास नदीच्या प्रवाहात एक बहुमजली हॉटेल आणि चरा दुगाने वाहून गेली होती. चंदीगड-मनाली राष्ट्रीय महामार्ग आणि मनाली-लेह महामार्गाचा काही भाग वाहून गेला. कुल्लू शहर, बस स्टँड आणि बिंदू धांक यांना जोडणारा मनालीचा उजव्या काठावरच्या रस्त्याचेही मोठे नुकसान झाले. मनालीतील जवळपास 14 मैल परिसरातील घरांमध्ये नदीचे पाणी शिरले यात अनेक घरांची पडझड झाली होती.
त्याची पाहणी करण्यासाठी कंगना राणावतने गुरुवारी मनालीला भेट दिली. मात्र तिला स्थानिकांच्या विरोधाचा सामना करावा लागला. कंगनाच्या ताफ्यासमोर स्थानिकांनी काळे झेंडे घेऊन, कंगना गो बॅक, तू उशील केलीस, अशा घोषणा दिल्या. यावेळी भाजप नेते आणि कंगनासोबत असलेल्या नागिराकंनी जमावाला शांत करण्याचा प्रयत्न केला मात्र त्यावरून वादावादी झाली. शेवटी पोलिसांनी मध्यस्थी करून स्थानिकांना शांततेचे आवाहन केले. याचे व्हिडिओ सध्या समाज माध्यमांवर व्हायरल झाले आहेत.