नवी दिल्ली: अंतराळात जाण्याचे स्वप्न असणे आणि ते पूर्ण होणे यासारखा विलक्षण अनुभव नाही. शुभांशू शुक्लांच्या रुपाने संपूर्ण भारतीयांनी तो क्षण अनुवला, मात्र अंतराळातील सूक्ष्म गुरुत्वाकर्षणाशी लढणे, कधीही न पाहिलेल्या शारीरिक अवस्थांमधून जाणे, कठीण परिस्थितीत टीमसोबत काम कसे केले जाते, ही सहकार्याची भावना नाही, तर त्याची एकमेकांना कशी अत्यंत गरज असते, याचे रोमांचक कथन भारताचे अंतराळवीर शुभांशू शुक्ला यांनी एका कार्यक्रमात बोलताना केले.
मोहिमेतील अनुभवांविषयी माहिती देताना शुक्ला म्हणाले की, आंतरराष्ट्रीय अंतराळस्थानकावरील (आयएसएस) जीवन मानवी सहनशक्तीची एक कठीण परीक्षा आहे. तुमचे शरीर ज्या सूक्ष्म गुरुत्वाकर्षणाच्या वातावरणात असते, त्याच्याशी सामना करवा लागतो, कारण तुमच्या शरीराने ते कधीही पाहिलेले नसते. धमन्यांमधून वाहणाऱ्या रक्ताचा प्रवाह वरच्या दिशेने सुरू होतो. पोट आणि पोटातील अवयवदेखील तरंगतात. भूक लागत नाही आणि हे सर्व बदल अंतराळात पोहोचताच घडायला सुरू होतात.
अंतराळ मोहिमांचा खरा वारसा केवळ विज्ञानात नाही, तर प्रतिनिधित्व आणि प्रेरणांमध्येदेखील आहे.लखनौमध्ये भेटलेल्या मुलांनी त्यांना सांगितले की, ज्यावेळी ते त्यांना भेटले तेव्हाच त्यांना आंतरराष्ट्रीय अंतराळ स्थानकाविषयी माहिती मिळाली. अंतराळवीर आणि भारतीय हवाई दलाचे अधिकारी म्हणाले की, तुम्ही अंतराळात होता, त्यामुळे काळजी वाटत होती. त्या क्षणाचा माझ्यावर गुरुत्वाकर्षणासारखा खोलवर परिणाम झाला. बोर्डरूम, प्रयोगशाळा, संसद आणि अगदी अंतराळ कॅप्सूलमध्ये तुमची उपस्थिती केवळ प्रतीकात्मक नाही, तर प्रेरणादायी असते.