EPFO म्हणजे कर्मचारी भविष्य निधीमध्ये (Employees’ Provident Fund Organisation) दर महिन्याला तुमच्या पगाराचा काही भाग आणि कंपनीकडूनही काही रक्कम जमा केली जाते. ही पगारदार कर्मचाऱ्यांसाठी एक प्रकारची बचत योजना आहे, जी आपत्कालीन परिस्थितीत उपयोगी पडू शकते. आवश्यक असल्यास तुम्ही या निधीतून पैसेही काढू शकता.
पण अनेकदा नोकरदार लोकांना हे माहित नसते की त्यांचा PF वेळेवर जमा होत आहे की नाही. जर तुम्हालाही जाणून घ्यायचे असेल की तुमच्या कंपनीने तुमच्या EPFO खात्यात पैसे जमा केले आहेत की नाही, तर ही माहिती तुमच्यासाठी अत्यंत उपयुक्त ठरेल. विशेष म्हणजे घरबसल्या तुमचा EPFO अकाउंटचा बॅलन्स आणि जमा झालेली रक्कम सहज तपासू शकता.
7.6 कोटी EPFO सदस्यांसाठी शुक्रवारी एक मोठे अपडेट आले आहे. 2024-25 साठी EPF वर मिळणारा व्याजदर 8.5% कायम ठेवण्यात आला आहे. यापूर्वी फेब्रुवारी 2024 मध्ये हा दर 8.15% वरून 8.25% करण्यात आला होता.
चला जाणून घेऊ या, तुमच्या EPFO अकाउंटमधील योगदान कसे तपासावे?
EPFO पोर्टलवरून
EPFO (Employees’ Provident Fund Organisation) ची अधिकृत वेबसाइट उघडा https://www.epfindia.gov.in
“Our Services” विभागात जा आणि तिथे “For Employees” वर क्लिक करा.
त्यानंतर “Member Passbook” हा पर्याय निवडा.
तुमचा UAN नंबर आणि पासवर्ड टाकून लॉगिन करा.
लॉगिन केल्यानंतर तुम्हाला तुमची PF पासबुक दिसेल, ज्यात तुमचा PF बॅलन्स आणि जमा झालेल्या रकमेची संपूर्ण माहिती मिळेल.
SMS द्वारे
जर तुमचा UAN नंबर सक्रिय (Active) असेल, तर तुम्ही SMS द्वारेही बॅलन्स तपासू शकता.
तुमच्या नोंदणीकृत मोबाईल नंबरवरून टाइप करा EPFOHO UAN आणि पाठवा या नंबरवर 7738299899
काही वेळातच तुम्हाला SMS द्वारे तुमच्या PF बॅलन्सची माहिती मिळेल.
मिस्ड कॉलद्वारे
EPFO कडून मिस्ड कॉलची सुविधा देखील दिली आहे.
तुमच्या नोंदणीकृत मोबाईल नंबरवरून 011-22901406 या क्रमांकावर मिस्ड कॉल द्या.
काही सेकंदांतच तुमच्या मोबाईलवर PF बॅलन्सची माहिती पाठवली जाईल.