सुधारणाभिमुख भारत घेतोय मोठे निर्णय
आम्ही गुंतवणूकदारांचे विश्वासू भागीदार – मोदी
हैदराबाद : सुधारणांची वेगाने अंमलबजावणी करणारा भारत आता मोठे निर्णय घेत आहे. त्यामुळे भारत आता गुंतवणूकदारांसाठी विश्वासार्ह भागीदार बनला आहे, असे प्रतिपादन पंतप्रधान नरेंद्र मोदी यांनी केले. बुधवारी हैदराबादमध्ये फ्रान्समधील सॅफरॉन कंपनीच्या विमान इंजिन एमआरओ (मेंटेनन्स, रिपेअल अॅण्ड ओकारहॉल) अर्थात देखभाल व दुरुस्ती प्रकल्पाच्या उ‌द्घाटनावेळी ते बोलत होते. मोदींनी ऑनलाइनमाध्यमातून या प्रकल्पाचे उद्घाटन केने या प्रकल्पामुळे हजारों युवकांना रोजगार उपलब्ध होणार असल्याचा दावा सरकारने केला.
भारताने व्यवसायाशी संबंधित कायद्यांमधील शेकडो तरतुदींना गुन्हेगारीच्या श्रेणीतून बाहेर ठेवले आहे. राष्ट्रीय एकल-खिडकी प्रणालीद्वारे विविध मंजुरी एकाच ठिकाणी आकल्या आहेत. जीएसटी सुधारणा, फेसलेस कर मूल्यांकन, नवीन कामगार कायदे आणि दिवाळखोरी संहिता यांमुळे प्रशासन पूर्वीपेक्षा अधिक पारदर्शक व सुलभ झाले आहे. या प्रयत्नांमुळे, भारताला आता एक विश्वासार्ह भागीदार, एक मोठी बाजारपेठ आणि एक उदयोन्मुख उत्पादन केंद्र म्हणून पाहिले जात आहे. आज भारत वेगाने विकसित होत आहे, एक स्थिर सरकार आहे, एक सुधारणाभिमुख मानसिकता आहे, विपुल प्रमाणात प्रतिभावान युवा उपलब्ध आहेत आणि एक मोठी देशांतर्गत चाजारपेठ आहे.
सर्वांत महत्त्वाचे म्हणजे, देश भारतात गुंतवणूक करणाऱ्यांना केवळ गुंतवणूकदार म्हणून नव्हें तर सह-गुंतवणूकदार माणून विकसित करतो, असे प्रतिपादन पंतप्रधानांनी केले. भारतीय विमान कंपन्यांनी १५०० हून अधिक नवीन विमानांची ऑर्डर दिल्याचे मोदींनी सांगितले. भारताचे नागरी उड्डाण क्षेत्र वेगाने वाढत आहे. भारतीय कंपन्या मोठ्या प्रमाणात विमानांची खरेदी करत आहेत. मात्र विमानांची देखभाल आणि दुरुस्तीचे काम परदेशात होत असल्याने खर्च वाढतो आणि विमानांना अधिक दिवस उभे राहावे लागते. हे आव्हान लक्षात घेत सरकार देशाला जागतिक एमआरओ केंद्र महणून विकसित करत आहे. फ्रान्सच्या सैफरॉनचा व्यावसायिक विमानांच्या इंजिनाचे एमआरओ केंद्र देशातील अशाप्रकारचा पहिला प्रकल्प आहे, असे मोदी म्हणाले. भारत फक्त विमानांच्या एमआरओपुरता मर्यादित राहू इच्छित नाही, तर जहाजांसाठी एमआरओ यंत्रणा विकसित करण्यासाठी प्रयानशील असल्याचे पंतप्रधानांनी सांगितले.
हैदराबादमधील एमआरओ प्रकल्पासाठी सॅफरॉनने १३०० कोटी रुपयांची गुंतवणूक केली आहे. या ठिकाणी एअरबस ए३२० निओ आणि बोईग ७३७मॅक्स विमानांची दुरुस्ती, देखभाल केली जाईल, या प्रकल्पात दरवर्षी ३०० इंजिनांची सव्हिसिंग होऊ शकते. २०२६ पासून हा प्रकल्प कार्यान्वित होईल.
सॅफरॉन इंजिन तंत्रज्ञान देण्यास, निर्मिती प्रकल्पास तयार
संरक्षण व व्यावसायिक विमानांचे इंजिन तयार करणाऱ्या फ्रान्सच्या सॅफरॉन कंपनीने पाचव्या पिढीच्या लढाऊ विमानाचे इंजिन तंत्रज्ञान भारताला देण्याची तयारी दर्शवली, तसेच भारताने अजून राफेल विमानाची ऑर्डर दिली तर भारतात राफेलवे इंजन व महत्वाच्या सुट्टे भागांसाठी अंतिम असेंब्ली लाइन लावण्यास आम्ही कटिबद्ध असल्याचेही सफरॉनचे मुख्य कार्यकारी अधिकारी ओलिव एंड्रीस म्हणाले, सैकरॉन ही राफेल विमानाचे इंजिन, लैंडिंग गिअर, इलेक्ट्रिकल व ऑक्सिजन यंत्रणा, इंजेक्टेबल सीट यांसारखे महत्वाचे भाग तयार करते. भारताने पाचव्या पिढीच्या लढाऊ विमानांची विकास प्रक्रिया सुरू केली आहे. अशावेळी सॅफरॉनचा हा प्रस्ताव भारतासाठी महत्त्वाचा आहे.