जलालाबाद : अनैतिक वर्तनापासून वाचवण्यासाठी तालिबानने अफगाणिस्तानमध्ये फायबर ऑप्टिक इंटरनेट सेवांवर पूर्ण बंदी घातली होती. ही बंदी आता अनेक प्रांतात लागू करण्यात आली आहे. ऑगस्ट 2021 मध्ये अफगाणिस्तानातून अमेरिकन सैन्याच्या पूर्ण माघारीनंतर आणि तालिबानने सत्ता हाती घेतल्यानंतर पहिल्यांदाच ही बंदी लादली आहे. त्यामुळे सरकारी कार्यालयांसह सर्वच क्षेत्रातील कामकाजावर परिणाम झाला आहे. उत्तर बल्ख, बगलान, बदख्शान, कुंडुझ, नांगरहार आणि तखार प्रांतामध्ये इंटरनेट सेवा बंद असून नागरिकांना अनेक अडचणींचा सामना करावा लागत आहे. दरम्यान अफगाणिस्तान मीडिया सपोर्ट ऑर्गनायझेशनने तालिबानच्या या निर्णयाचा निषेध केला आहे.
अफगाणिस्तानातील अनेक प्रांतात इंटरनेटवर पूर्णपणे बंदी
