पटणा : बिहारमध्ये केजी टू पीजी दर्जेदार शिक्षण मोफत देणे, औद्योगिक गुंतवणूक वाढवणे, दरमहा १२५ युनिट वीज मोफत देणे व कृषी सुधारणा करून सुमारे १ कोटी लोकांना रोजगार देण्याचे आश्वासन सत्तारूढ जदयू-राजद-हम यांच्या एनडीएच्या आघाडीने शुक्रवारी दिले आहे. राज्यात महिला सशक्तीकरण व पायाभूत संरचनांचा व्यापक विकास घडवण्यासह २० ठोस संकल्प अमलात आणण्याची घोषणा एनडीएने केली.
बिहारचे मुख्यमंत्री नितीश कुमार व केंद्रीय मंत्री चिराग पासवान यांच्यासह अनेक बड्या नेत्यांच्या उपस्थितीत राजधानी पाटण्यात एनडीए आघाडीचा जाहीरनामा प्रसिद्ध करण्यात आला. देशाचे लोहपुरुष सरदार वल्लभभाईपटेल यांच्या १५० व्या जयंतीचे औचित्य साधत एनडीए आघाडीने आपल्या जाहीरनाम्याची घोषणा केली. बिहारला समृद्ध, सशक्त व आत्मनिर्भर बनवण्यासाठी इंडिया आघाडी कटिबद्ध आहे. पुढील पाच वर्षांत राज्यात १ कोटी लोकांना रोजगार देणे, प्रत्येक जिल्हयात स्थापन केलेलेल्या विशाल कौशल्य केंद्रांना जागतिक दर्जा मिळवून देणे, एक कोटी लखपती दीदी बनवणे, मागासवर्गीयांना विशेष आर्थिक मदत करण्याची ग्वाही जाहीरनाम्यातून देण्यात आली. आर्थिकदृष्ट्या मागास वर्गाला (ईबीसी) सरकार १० लाख रुपयांची मदत देईल. त्यांचे हित जोपासण्यासाठी सर्वोच्च न्यायालयाच्या न्यायाधीशांच्या अध्यक्षतेखाली आयोग स्थापन करणे, कृषी क्षेत्रासाठी ‘कर्पूरी ठाकूर किसान संमान निधी’ योजना केंद्र व राज्यांच्या मदतीने लागू करणे, शेतमालाला किमान सर्वोच्च न्यायालयाच्या न्यायाधीशांच्या अध्यक्षतेखाली आयोग स्थापन करणे, कृषी क्षेत्रासाठी ‘कर्पूरी ठाकूर किसान संमान निधी’ योजना केंद्र व राज्यांच्या मदतीने लागू करणे, शेतमालाला किमानहमी भाव (एमएसपी) देणे, कृषी क्षेत्रात पायाभूत संरचना वाढवण्यासाठी १ लाख कोटींची गुंतवणूक करण्यात येईल, असे जाहीरनामा प्रसिद्ध केल्यानंतर राज्याचे उपमुख्यमंत्री सम्राट चौधरी म्हणाले.
५ लाख रुपयांचे मोफत उपचार
बिहारमध्ये ५० लाख कोटींच्या गुंतवणुकीला प्रोत्साहन देत औद्योगिक क्रांती घडवणे, अनुसूचित जातीच्या (एससी) विद्यार्थ्यांना उच्च शिक्षणासाठी दरमहा २००० रुपयांची मदत करणे, पाच वर्षांत बिहारला ‘वैश्विक कार्यस्थळ’ (ग्लोबल वर्कप्लेस)’ म्हणून विकसित करणे, गुंतवणूक, कौशल्य व नवोपक्रमावर बिहारची अर्थव्यवस्था विकसित करणे, प्रत्येक जिल्हयात वैद्यकीय महाविद्यालय स्थापन करणे, गरीब व वंचितांसाठी ‘पंचामृत गॅरंटी’ योजना लागू करणे, यात मोफत रेशन, ५ लाख रुपयांचा मोफत उपचार, ५० लाख पक्की घरे आणि सामाजिक सुरक्षा पेन्शन देण्यात येईल, असे एनडीएने जाहीर केले.
जाहीरनाम्यातील ठळक आश्वासने
केजी टू पीजी शिक्षण मोफत
दरमहा १२५ युनिट वीज मोफत
१ कोटी लोकांना रोजगार
महिला सशक्तीकरण करणे
बिहारला समृद्ध, सशक्त व आत्मनिर्भर बनवणे
एक कोटी लखपती दीदी बनवणे
मागासवर्गीयांना विशेष आर्थिक मदत
शेतमालाला किमान हमी भाव देणे
बिहारला ५ वर्षात पूरमुक्त करणे
सात नवे एक्स्प्रेस वे बनवणे
चार शहरांत मेट्रो रेल्वे सुरू करणे
न्यू पाटणा ग्रीन फिल्ड योजना राबवणे
कृषी व मत्स्य पालनाला नवी दिशा देणे
राज्यात अनेक विमानतळ बनवणे
१० नवे औद्योगिक पार्क बनवणे