मुंबई : टाटा मोटर्स या भारतातील सर्वात मोठ्या व्‍यावसायिक वाहन उत्‍पादक कंपनीने आज त्‍यांच्‍या प्रतिष्ठित ऐस श्रेणीमधील सर्वात किफायतशीर डिझेल व्‍हेरिएण्‍ट ‘ऐस गोल्‍ड+’च्‍या लाँचची घोषणा केली. फक्‍त Rs. ५.५२ लाख* (एक्‍स-शोरूम) किंमत असलेला ऐस गोल्‍ड+ अपवादात्‍मक कार्यक्षमता देण्‍यासाठी डिझाइन करण्‍यात आला आहे, तसेच त्‍याच्‍या श्रेणीमध्‍ये सर्वात कमी टोटल कॉस्‍ट ऑफ ओनरशीप (टीसीओ)ची खात्री देतो, ज्‍यामुळे हा मिनी-ट्रक आजच्‍या मूल्‍याप्रती जागरूक उद्योजकांसाठी योग्‍य निवड आहे.
प्रगत लीन एनओx ट्रॅप (एलएनटी) तंत्रज्ञान असलेला ऐस गोल्‍ड+ डिझेल एक्‍झॉस्‍ट फ्लूइड (डीईएफ)साठी गरज दूर करतो, ज्‍यामुळे मोठ्या प्रमाणात देखभाल व कार्यसंचालन खर्च कमी होतो. ही नाविन्‍यता प्रखर उत्‍सर्जन नियमांसह अनुपालनाची खात्री देते, तसेच वारंवार होणारा खर्च कमी करत लाभक्षमता देखील वाढवते, ज्‍यामुळे ग्राहकांना प्रत्‍येक ट्रिपसह अधिक उत्‍पन्‍न कमावण्‍यास मदत होते.
नवीन मॉडेल लाँच करत टाटा मोटर्स कमर्शियल वेईकल्‍सच्‍या एससीव्‍हीपीयूचे उपाध्‍यक्ष व व्‍यवसाय प्रमुख श्री. पिनाकी हल्‍दर म्‍हणाले, “दोन दशकांपूर्वी लाँच झाल्‍यापासून टाटा ऐसने संपूर्ण भारतात लास्‍ट-माइल गतीशीलतेमध्‍ये सतत परिवर्तन घडवून आणले आहे, तसेच लाखो उद्योजकांना प्रगती करण्‍यास सक्षम केले आहे. प्रत्‍येक अपग्रेडसह या मिनी-ट्रकमध्‍ये प्रगत तंत्रज्ञान, वैविध्‍यपूर्ण वैशिष्‍ट्ये आणि व्‍यापक उपयोजनांची भर करण्‍यात आली आहे. लाँच करण्‍यात आलेला ऐस गोल्‍ड+ या वारसाला पुढे नेतो, तसेच सोल्‍यूशन देतो, जे व्‍यवसाय कार्यसंचालन सोपे करते, लाभक्षमता वाढवते आणि भारतातील उद्योजकांच्‍या उत्‍साहाला अधिक निपुण करण्‍याप्रती आमची कटिबद्धता अधिक दृढ करते.”
या मिनी-ट्रकमधील टर्बोचार्ज्‍ड Dicor इंजिन २२ पीएस शक्‍ती आणि ५५ एनएम टॉर्क देते. ऐस गोल्‍ड+ विविध व्‍यवसाय उपयोजनांमध्‍ये विश्वसनीयतेसाठी डिझाइन करण्‍यात आला आहे. ९०० किग्रॅची पेलोड क्षमता आणि विविध लोड डेक कन्फिग्‍युरेशनसह हा मिनी-ट्रक विविध कार्गो गरजांसाठी वैविध्‍यता आणि कार्यक्षमता देतो.
टाटा मोटर्सच्‍या स्‍मॉल कमर्शियल वेईकल व पिकअप पोर्टफोलिओमध्ये ऐस प्रो, ऐस, इण्‍ट्रा आणि योधा यांचा समावेश आहे, जे ७५० किग्रॅपासून २-टनपर्यंत पेलोडची पूर्तता करतात आणि डिझेल, पेट्रोल, सीएनजी, बाय-फ्यूएल व इलेक्ट्रिक अशा विविध पॉवरट्रेन्‍समध्‍ये उपलब्‍ध आहेत. या प्रबळपणे डिझाइन केलेल्‍या वेईकल्‍सच्‍या व्‍यापक श्रेणीला पूरक सर्वसमावेशक लाइफसायकल सपोर्ट प्रोग्राम संपूर्ण सेवा २.० आहे, जो एएमसी पॅकेजेस्, जेन्‍यूएन स्‍पेअर पार्ट्स आणि २४x७ रोडसाइड असिस्‍टन्स देतो.
टाटा मोटर्सचे देशभरातील २,५०० आऊटलेट्सचे व्‍यापक स्‍पेअर्स व सर्विस नेटवर्क आणि प्रशिक्षित टेक्निशियन्‍सच्‍या स्‍टार गुरू परिसंस्‍थेचे पाठबळ असलेला ऐस गोल्‍ड+ उद्योजकता विकास व विनासायास कार्गो गतीशीलतेसाठी योग्‍य उत्‍प्रेरक आहे.