वॉशग्टिंन : ट्रम्प प्रशासनाने माजी राष्ट्राध्यक्ष जो बायडन यांच्या सरकारच्या एका महत्त्वाच्या धोरणात्मक निर्णयाला मागे घेतले आहे. ‘वर्क परमिट’चा कालावधी वाढवू इच्छिणाऱ्या विदेशी गैर-प्रवासी व्हिसा धारकांना आता पुन्हा एकदा सुरक्षा तपासणी आणि सत्य पडताळणी प्रक्रियेतून जावे लागणार आहे. म्हणजेच, आता वर्क परमिट वाढवण्यिासाठी अर्ज करताना त्यांची पुन्हा पडताळणी केली जाईल. या निर्णयाचा परिणाम भारतीय नागरिकांवरही होण्याची शक्यता आहे.
काही विशिष्ट श्रेणीतील विदेशी कामगारांसाठी रोजगार परवानगी पत्राच्या (Employment Authorization Document – EAD) वैधतेचा स्वयंचलित विस्तार रद्द करणारे नवे नियम गुरुवारपासून लागू झाले आहेत. बायडन प्रशासनाने मे २०२२ मध्ये अशा नियमांमध्ये सुधारणा केली होती. त्यानुसार रोजगार परवानगी पत्राचे नूतनीकरण (१ील्ली६ं’) करण्यासाठी नवीन अर्ज दाखल केल्यास अर्जदारांना कोणत्याही छाननी किंवा पडताळणी प्रक्रियेविना ५४० दिवसांचा स्वयंचलित विस्तार दिला जात होता. त्या काळात सुमारे १५ लाख वर्क परमिट अर्ज प्रलंबित होते त्यामुळे बायडन सरकारने असा नर्णिय घेतला होता. या अर्जांची पडताळणी करून मंजूर करण्यात होणाऱ्या विलंबामुळे मोठ्या प्रमाणावर बेरोजगारी वाढण्याची भीती होती.
काही विशिष्ट श्रेणीतील गैर-प्रवासी व्हिसा धारकांना अमेरिकेत तात्पुरते काम करण्यासाठी रोजगार परवानगी पत्र आवश्यक असते. संबंधित परदेशी नागरिकाला ठरावीक कालावधीसाठी अमेरिकेत काम करण्यास परवानगी आहे, हे दस्तऐवजांच्या आधारे सिद्ध होते.
अमेरिकेच्या *डिपार्टमेंट ऑफ होमलँड सक्यिुरिटी’ने स्थलांतरावर नियंत्रण आणण्याच्या प्रयत्नांतर्गत बुधवारी हा निर्णय जाहीर केला. परदेशी नागरिकांच्या दस्तऐवजांची योग्य छाननी आणि पडताळणी करूनच त्यांच्या वर्क परमिटचा कालावधी वाढवला जाईल, असे विभागाने म्हटले आहे.
विभागाने स्पष्ट केले की, ”हा नवा अंतरिम नियम ३० ऑक्टोबरपूर्वी स्वयंचलितरीत्या वाढवण्यात आलेल्या वर्क परमिटवर लागू होणार नाही. सामान्यत: वर्क परमिटची वैधता एक ते दोन वर्षे असते, मात्र काही श्रेणींमध्ये ती पाच वर्षांपर्यंत दिली जाऊ शकते.
यूएस सिटिझनशिप अँड इमग्रिेशन सर्व्हिसेस’चे ((USCIS) संचालक जोसेफ एडलो यांनी सांगितले की, विभाग आता विदेशी नागरिकांच्या कठोर तपासणीवर नव्याने भर देत आहे आणि अमेरिकन नागरिकांच्या सुरक्षेपेक्षा परदेशी नागरिकांच्या सोयीला प्राधान्य दिले जाणारे पूर्वीच्या प्रशासनाचे धोरण मागे घेण्यात येत असल्याचे म्हटले आहे.
एखाद्या विदेशी नागरिकाच्या रोजगार दस्तऐवजाचा कालावधी वाढवण्यापूर्वी सखोल तपासणी करणे हा एक व्यावहारिक उपाय आहे. सर्व विदेशी नागरिकांनी हे लक्षात ठेवले पाहिजे की अमेरिकेत काम करणे हा अधिकार नाही, तर एक विशेषाधिकार (privilege) आहे.”
वर्क परमिट मिळवण्यिासाठी अर्जदाराला फॉर्म क-765 भरावा लागतो आणि त्याची पात्रता त्याच्या स्थलांतर स्थितीवर (immigration status) अवलंबून असते.
विद्यार्थी, निर्वासित (refugees), राजनैतिक मोहिमांमध्ये कार्यरत लोक, तसेच आंतरराष्ट्रीय संस्थांतील कर्मचाऱ्यांचे अवलंबित dependents) अशा विविध श्रेणींतील अनेक विदेशी गैर-प्रवासी अमेरिकेत काम करण्यासाठी या रोजगार परवानगी पत्रासाठी पात्र आहेत.