मुंबई: मुंबई महापालिका निवडणुकीत आघाडीसाठी उद्धव ठाकरे यांच्या शिवसेनेबरोबरच समाजवादी पक्ष किंवा मनसे सोबतदेखील चर्चा व्हावी, असा निर्णय राष्ट्रवादी काँग्रेस शरदचंद्र पवार पक्षाने घेतला आहे. काही दिवसांपूर्वीच काँग्रेसने मनसे नको म्हणत शरद पवार यांच्यासमोर आघाडीचा प्रस्ताव ठेवला काँग्रेसऐवजी मुंबईत आघाडीसाठी ठाकरे बंधूंना प्राधान्य असल्याचे समोर आले आहे.
मुंबईत राष्ट्रवादी काँग्रेस शरदचंद्र पवार पक्षाची शनिवारी बैठक झाली. शरद पवार यांच्या नेतृत्वातील या बैठकीत शिवसेनेसह मनसे आणि समाजवादी पक्षासोबतदेखील चर्चा करण्याचा निर्णय घेण्यात आला. महापालिका निवडणुकीत भाजप सोडून इतर पक्षांसोबत युती अथवा आघाडी करण्यास महाविकास आघाडीच्या नेत्यांची हरकत नसावी, असे शरद पवार यांनी बैठकीत सांगितले.
1.विधानसभा लोकसभा निवडणूक आम्ही एकत्रित लढलो. निवडणुका या एकत्रित लढायच्या की नाही, याबद्दल शरद पवार यांच्या आदेशाचे आम्ही पालन करणार असून कोणासोबत युती अथवा आघाडी करायचे याविषयी शरद पवार ठरवतील.भाजपला रोखण्यासाठी एकत्र यायला हवे, अशी पवारांची भूमिका आहे, असे बैठकीनंतर बोलताना राखी जाधव यांनी सांगितले.
२ गेल्या आठवड्यात काँग्रेसच्या शिष्टमंडळाने शरद पवारांची भेट घेऊन आगामी पालिका निवडणुकीत कॉंग्रेस व राष्ट्रवादीने एकत्र येण्याबाबत चर्चा केली होती.
३ काँग्रेसकडून महाविकास आघाडी व्हायची असेल तर मनसे नको, अशी भूमिका घेण्यात आली होती.
भाजपचे आता भाषिक प्रांतवादाचे राजकारण-उद्धव ठाकरे
भाजप आणि संघाचा हिंदुत्वाचा फुगा फुटला असून, हेच लोक आता भाषिक प्रांतवादाचं विष पसरवत आहेत. परंतु, भाषिक प्रांतवादाचं खापर मात्र आमच्यावर फोडत आहेत, अशा शब्दांत शिवसेना (ठाकरे)6 पक्षप्रमुख उद्धव ठाकरे यांनी टीका केली. दहिसर आणि कल्याण डोंबिवली भागातील भाजप आणि शिवसेनेच्या कार्यकत्यांनी मातोश्री येथे शिवबंधन बांधून शिवसेना (ठाकरे) पक्षात प्रवेश केला. ठाकरेंनी या वेळी भाजपवर टीकेची झोड उठवली.
आपल्या शिवसेनेत दररोज कार्यकर्त्यांचा प्रवेश होत आहे. मातोश्रीवर गर्दी असते, पण ही फक्त गर्दी नाही, तर लढणाऱ्या शिवसैनिकांचं हे सैन्य आहे. भाजप किती कपटी आणि ढोंगी आहे हे लोकांना आता समजू लागलं आहे. ही लढाई सोपी नाही. डोळे उघडे ठेवून बघा, भाजप हा कपट कारस्थान करणारा पक्ष आहे, असे ठाकरे म्हणाले.
भाजपने भाषिक प्रांतवाद सुरू केला असे सांगत भाजप-संघावर हल्ला चढवला. घाटकोपरमध्ये संघाचे जोशी म्हणतात, माझी
मातृभाषा गुजराती आहे, तर एक आमदार म्हणतो, मराठी माझी आई आहे, पण आई मेली तरी चालेल. अशा वक्तव्यांनी ही लोक महाराष्ट्रातील एकतेवर प्रहार करत आहेत. तोडा, फोडा आणि राज्य करा हीच नीती भाजप आणि संघ राबवत आहे, असा शाब्दिक हल्ला चढवला.